Қазақстан Республикасы Ұлттық экономика министрі Ерболат Досаев Сауд Арабиясы Индустрия және сауда министрі Тауфик Ар-Рабиямен кездесу өткізді.

Тараптар Қазақстан және Сауд Арабиясының сауда-экономикалық қатынасы, инвестициялық ынтымақтастық мәселелерін талқылады.

Ерболат Досаев: «Астана мен Эр-Рияд мүдделері көптеген өңірлік және халықаралық проблематика, экономикалық өзара іс-қимыл мәселелері бойынша үйлеседі, екі мемлекеттің достық сипаттағы ынтымақтастығынан көруге болады» - деп атап көрсетті.

Келіссөз барысында ҚР Ұлттық экономика министрлігінің басшысы EXPO-2017 жоғары технологиялы инфрақұрылымының негізінде барлық инвесторларға өздерін жайлы әрі барынша қауіпсіз сезінуге мүмкіндік беретін «Астана» қаржылық орталықтың құрылатынын айрықша атай отырып, Сауд Арабиясын EXPO-2017 халықаралық көрмесіне белсенді қатысуға шақырады.

Қазақстан және Сауд Арабиясының арасындағы сауда айналымы 2014 жылы 13,4 млн АҚШ долл. құрады.